BIDEO TUTORIALA

Final Cut Pro programari buruzko bideo tutoriala egitea erabaki dut nik, hau izan baitzen gure DILAN-eko bideoa egiteko erabili genuen tresna.

Zer da Final Cut Pro? bideo ediziorako software ez lineal bat da, Mac ordenagailuekin soilik erabili daitekeena.

Programa nahiko zaila dela esan daiteke baina nik betaal prestatutako bideo tutorial batzuk ikusi eta frogak egin ondoren bideo simple bat osatzeko zailtasun handirik ez litzateke egon behar.

Hemen uzten dizuet nie bideo tutoriala:

                                    

EDILIM

Edilim gure ordenagailietan deskargatu daitekeen programa bat da, non ariketak web-formatoan argitaratu daitezkeen; hala nola, puzzleak, bikoteak, irudiak osatu...

Lauhilabete honetak Edilim programa erabiliz ariketa bat asmatzea proposatu ziguten. Haurrentzat aproposak diren ariketak sortze ahalbidetzen digu eta nik nire kasuan animaliekin zerikusia duen letra zopa bat egitea erabaki nuen.
Hemen uzten dizuet hesteka proposatutako ariketa ikusi ahal izateko:

edilim-letrazopa

Nire ustez programa hau Lehen Hezkuntzan erabiltzea  baliagarria gerta dakiguke. Nahi ditugun gaiak jolas moduan landu ditzazkegulako umeentzan interesgarriak izanik. Gainera irakasleentzat liburu digitalean ariketa hauek sortu eta erabiltzea erraza da.

BERRITZEGUNE

Amara Berri sistemarekin bezala IKT-ko beste saio teoriko batean Ordiziko berritzeguneen inguruan hitzaldi bat izan genuen.

Lehenik eta behin berritzegune bat zer den azalduko dizuet; berritzeguneak zonaka edota lurraldeka erabiliko diren tresnak dira hezkuntzaren berrikuntza edo hobekuntzarako.

Hasiera batean hezkuntza sailak egindako IKT-en ibilbidea eta gaur egungo egoera azaldu ziguten.

Plan desberdin batzuk planteatu zizkiguten. Lehenik eta behin, Premia plana. Plan hau 2000. urtean, Hezkuntza Sailak proposatu zuen, hezkuntza-esparruan IKTak bultzatzeko. Ondoren Eskola 2.0 programa martxan jarro zela aipatu zigun 2012-2013 bitartean. Honen helburu nagusia Lehen Hezkuntzako 5.mailatik Bigarren Hezkuntzako 2.mailako ikasgela guztiak digitalizatzea izan zen, irakasleak metodologia berrai erabiltzeko prestatuz eta multimedia-edukiak sortuz. Amaitzeko, aurrera eramandako beste programetako bat SHG ( Sare Hezkuntza Gelan ) izan zen. Honen xedea baliabide digitalak gelan erabiltzea, irakasleriaren prestakuntza baliabideak gelan erabiltzeko edota sortzeko, eta getan material berriak sortzea edo egokitzea izanik.
       


Hitzaldian IKT Heldutasun Ereduari ere garrantzia eman zioten. Euskal Autonomia Erkidegoko unibertsitateaz kanpoko ikastetxe publikoei dei egiten zaie, IKT Heldutasuna ziurtagiriak eskura daitezen. Hiru maila daude, eta ikastetxeek hiruretako edozeinen ziurtagiria eska dezaket, aurretik aurreko maila dutela egiaztatu behar izanik gabe.

DEKALOGOA

Gure artefaktoa egiteko taldeak giza baloreak gai lantzea interesgarria zela iruditu zitzaigun.

Giza baloreak hezkuntzan lantzea garrantzitsua dela iruditzen zaigu, izan ere gure egunerokotasunean edozein esperientziaren bitartez baloreen transmisioa ematen da. Honakoa ikusirik eskolan balore egokiak errefortzatu beharko liratekeela uste dugu.

·        Txikiak garenean orri txuri baten modukoak gara (tabula rasa) eta hazten goazen heinean hezkuntzak, lagunek, familiak,... hainbat balore helarazten dizkigute.

·        Kulturaren arabera baloreak desberdintzen dira, gure jatorriaren arabera ohitura eta tradizio batzuk ditugulako  eta haiek balore desberdinak garatzea ekartzen du.

·        Pertsona baten bizitako etapa desberdinetan balore desberdinei ematen zaie garrantzia.

·        Familia eta lagunak emozionalki lotuta dauden pertsonak dira, haurrek gehienbat behatuz eta imitatuz ikasten dutenez, honakoek haiengan eredu nagusi bezela jokatzen dute.

·        Hezkuntza baloreak lantzeko esparru nagusia da eta gizarteak oinarritzat dituen baloreak landu eta errefortzatzea du helburu. Gizartearekin lotura gehien duen instituzioa baita.

·        Eredu dialogikoari esker haurrek haien artean interakzionatzen dute, modu aktibo eta koperatibo batean. Honek batak bestearengandik ikasteko aukera ematen du, hainbat balore uztartzen direlarik.

·        Irakaslearen papera eredutzat jokatzea da. Horrez gain, ezarritako jarduerak ere egokiak izan behar dira landu nahi diren baloreak erreforzatzeko.

·        Gure ustez gelan lehentasuna eduki beharko luketen baloreak gizarteratzean oinarrituak direnak izan beharko liratekete. Adibidez: bizikidetasuna, ekitatea, kooperazioa, errespetua, tolerantzia...

·        Nahiz eta testuinguru berdinean bizi eta antzeko baloreak ikasi, pertsona bakoitzak bere ikuspuntua eta izaera duenez, balore bakoitzari egiten zaion interpretazioa eta ematen zaion garrantzia desberdina da.

·        Baloreek pertsonak osatzen dituzte eta horrela dela konturatzen garenean  bakoitzak ze balorek osatuko duen aukeratzeko gaitasuna eskuratzen du.

Hemen uzten dizuet gure artefaktoa:

Artefaktoa jolas moduan planteatzea iruditu zitzaigun egokiena; horrela haurrek haientzako garrantzitsuak diren baloreak zeintzuk diren identifikatu ditzaketelako, beste umeekin eztabaidatzeko aukera dutelarik.

Grabaketan jolasa era abstraktoan erakutsi nahi izan genuen, honen esentzia hobeto ulertzeko. Azkenean gure helburua baloreek denboran zehar pertsonak osatzen dituztela eta kanpo eragileek, (eskola, familia, lagunak... ) helarazten dizkigutela erakustea da.

KARTOGRAFIA

Sarrera honetan gelan kartografia landu genueneko prozesuren analisia izango litzateke; bertan, lau etapa desberdin bereizi daitezke, bakoitzak izenburu bat duelarik.

0.ETAPA 

 Lehenengo saio presentziala izan baino lehenago nire ikaskuntza esperientziaren ebidentziak sortu edo lortzeko lehendabizi gustoko dudan zerbaiti buruz pentsatu nuen, kasu honetan surfa. Taldekide guztiek gai bat geneukala, estrategia moduan gure ebidentzietan gai edo arlo batzuk atera behar zirela erabaki genuen gure kauan harremanak, espazioak, objektuak eta ohiturak izan ziren. Gainera, hauek dirve karpeta batean partekatu genituen denek ikusteko eta blokeatuta geratu ez gero ideiak hartu ahal izateko. Nik gehienbat argazkiak atera nituen nahiz eta zenbait marrazki ere badauden, nire ustez gaia hobeto plasmatzen dutelako. Ebidentziak jasotzea lehenengo momentu batean nahiko zaila egin zitzaidan ez nekielako nondik jo baina azkenean lehen aipatutako lau hitzak genituenez hortik habiatuta errazago joan zitzaidan egiten bilaketa hau.

       

1.ETAPA

Etapa honetan jada denek gure materialak prestaturik ekarri genituen gelara horrela taldeka komentatu ahal izateko. Hau aurrera eramateko irakasleak zenbait galdera proposatu zituen guk gidoi bat izan geneza. Hasiera batean zaila egin zitzaigun elkarrizketa hau aurrera eramatean baina gutxinaka ideiak eta loturak ateratzen joan ginen. Egunerokotasunean nola ikasten dugun galdetzen zigun hasiera batean eta bertan besteek izan ditzaketen paperak azaltzea. Nik azaldu nuen nola egunero egoera desberdinetan egonda baita jendez inguraturik beti esperientziak eta ikaskuntza jasotzen dugula. Gero bakoitzak zein gai aukeratu zuen eta zergatik azaldu genuen.

2.ETAPA

Oraingoan gure ebidentziak antolatu behar izan genituen. Nik kartulina batean egitea erabaki nuen. Nahiko eskematikoki dago egina bisualki simplea izatea erabaki baitnuen. Hemen daukazue:

       

3.ETAPA

Nire kartografian dauden elementuak hartzen baditugu gehiengoak argazkiak direla konturatuko gara. Itsasoa, lagunak, surfa egiteko erabiltzen diren materialak… agertzen dira. Hauen artean loturak egiteko nik lerro ez jarraiak egitea erabaki dut, honen bidez pieza zentral batetik abiatuta ikaskuntza nola joaten naizen lortzen adierazi nahi izan dut. Nire kartografiak kanpoko elementuak jasotzen ditu, hau da, ez dut hezkuntza arautuaren barnean sartu. Egia da loturak aurki ditzazkegula; adibidez, itsasoan ikasten dudana gero nire eguneroko bizitzan aplikatua izan daitekelako, kontaminazioa eta hondartzak garbi izatearen ezaguera baita ere; IKT-en erabilera nire surfa hobetzeko edo itsasoa nola egongo den ikusi ahal izateko. Kartografian unibertsitatea edo ikaskuntza formala ez sartzea erabaki dut, nahiz eta nire bizitzako parte garrantzitsu bat izan, ez dut uste lotura handirik ikusten gehienbat surfa deskonektatzeko egiten baitdut, hau da, bi munduak banantzen ditut.

Kartografiarekin ikasi dut azken finean gauzen artean eta hauek nola ikasten ditugunaren artean uste dugunaren baino harreman handiagoak daudela. Nire kasuan adibidez, kirol hau egitean ez nahiz konturatzen IKT-ek duten presentzia adibidez, baina bideokorrekzioak egiteko edota itsasoaren tamaina ikusteko hauek erabiltzen ditut; beste adibide bat izango litzateke familia, inkontzienteki kanpoan gelditzen direla uste dugu baina beti hor daude gu babesten eta laguntzen.

AMARA BERRI SISTEMA

Aurreko asteazkenean IKT-ko saio teorikoan hitzaldi bat izan genuen Amara Berri sistemari buruz. Fakultatera bertako irakasle bat etorri zen eta eskolan lantzen duten proiektu hori nola funtzionatzen duen azaldu zigun.

Ikusi genuen bezela proiektu hau daukaten eskolentzat hedabideek garrantzi handia daukate. Hauen beidez haurrek eskolan egiten dituzten lanei zentzua ematea lortzen dutelako aldi berean IKT-en munduan sakonduz. Lau hedabide nagusi bereizi daitezke: egunkaria, irratia, txikiweb-a eta telebista. Bakoitzak ezaugarri desberdinak ditu baina lauretan bikoteka eta zikloka egiten da lana. Guztira ikasleek hedabideetan ikasturteko hamabi egun oso igarotzen dituzte.

Egunkaria egunero argitalatzen dute 3-4. mailako ikasleek bai web-en bai fotokopiaturik. Honen egitura aztertuz gero atal hauk bereiz daitezke: azala, inkesta, elkarrizketa, kontu kontari, saski naski, denbora pasak eta gehigarriak (batzuetan).

Irratiari dagokionez, auzoan emititzen baina web orrian ere entzun daiteke. Teknikariak kasu honetan 2.mailako ikasleak dira eta ezaugarri bezala zuzenean entzuten den hedabide bakarra dela aipatu behar da.

Bukatzeko, telebista. Gela guztietan ikus daiteke eta beste hedabide guztiak bezala web-en ere. Egunkarian bezala hemen ere 3-4. mailako haurrek grabatu eta editatzen dute.

WEB.0

IKT-n eduki genuen lehen saio teorikoan web.0 ak landu genituen: web 1.0, web 2.0 eta web 3.0.

• WEB 1.0

 Web mota honetan, eskuragarri dagoen informazio guztia iturri batetik atera da; hau da, ezagutza interneten dago baina hau ezin du inork aldatu edo parte hartu, jaso besterik ez.
Ideia hau hezkuntzara eramanda, hezkuntza tradizionalean edo monologikoan isladatzen dela ikusiko dugu, non irakasleak bere ezagutzak azaltzen dituen ikasleen parte-hartzea kontuan hartu gabe. Ez dago interakziorik.

• WEB 2.0

 Oraingo honetan gizarteak interneten gauzak txertatzeko gai da, eta hori, era berean, denek irakurri dezakegula. Beraz, informazioa iturri bat baino gehiagotik irteten da.
Hezkuntzan, jakintza denek daukate, Irakaslearen papera hemen bigarren plano batean geratuko litzateke; laguntzaile edo gidatzaile gisan.

• WEB 3.0

  Kasu honetan informazioa erabiltzaileen gustuetara moldatzen da; hau da, erabiltzaile batek interneten bilaketa bat egiten badu, hurrengo bilaketa batean informazio bera agertuko zaio, ordenagailuak identifikatzen duelako zer interesatu dakioken erabiltzaile horri.
Guzti hau hezkuntzarekin lotu zitekeen edo ez galdetu ziguten klase amaieran.Nire ustez modu batean lortu daiteke. Denbora behar dela argi dago baina naiz eta utopikoa eman hezkuntza norberaren gustuetara molda daitekeela uste dut.

KARTOGRAFIA

Gaurko klasean "nola ikasten duzu?" galderaren inguruan hausnartzen ibili gara.  Irakasleak hori hobeto ulertu genezan adibideak jarri ditugu; adibidez Sarak musika gustoko duela esan eta  hau nola ikasten duen azaldu du.
Beste adibide batzuk jarri ondoren kartografiei buruz hitz egin dugu, hemen ere adibide batzuk ikusirik.
Hortik habiatuta gero bakoitzak bere kartografia nola egingo duen, zeri buruz... eta horrelako galderak egin genizkon geure buruei. Ikerketa hua nahiko zaila iruditzen zait  baita nola ikasten duzun galderari erantzuten, horregatik garrantzitsua iruditzen zait ikasten dugunean egiten dugunari erreparatzea horrela kronograma osatzeko ideiak sortuko zaizkigulako.
Proiektu honekin neure burura galdera  asko etortzen zaizkit hala nola, nola adierzako dut prozesu hori? nola egingo dut ikusgarri?......Galdera horiek azkenean erronka bihurtzen dira eta huei konponbidea aurkitzen saiatu behar gara, horrez gain gerta daiteke blokeatua geratzea eta aurrera jarraitzen ez jakitea, horregatik tailerrera gehituko nioke besteekin ideiak partekatzea horrela besteen laguntza jaso ahal izateko horrelako kasuetan; azken finean guk ikusten ez dugun gauza bat beste baten ikusi dezakeelako.
Kronograma proiektua interesgarria iruditzen zait azken finean honekin erraza ez den galdera bat hala nola erantzuten ikasiko dugulako. Hau da, nola ikasten dugun galdera  ez dakigu zuzenki erantzuten baina badakigu hortik habiatuta beste modu batean galdera heltzen.